Bókin Kökugleði Evu eftir Evu Laufey Kjaran Hermannsdóttur var að koma út hjá Sölku, en það er önnur bók Evu Laufeyjar.
Við fengum leyfi til að birta uppskriftina að þessari unaðslegu súkkulaðiköku sem er í bókinni.
Pekanhnetur, súkkulaði og karamella. Orð eru nánast óþörf en þessi þrenna er hreint út sagt ómótstæðileg. Eva býður oft upp á þessa í veislum eða boðum og segir hún kökuna yfirleitt klárast áður en hún nær að leggja hana á borðið.
Við bíðum spennt eftir að glugga í bókina og prófa uppskriftirnar.
Það sem þarf
Botn
200 g sykur
4 egg
200 g suðusúkkulaði
200 g smjör
3 msk. hveiti
Aðferð
Hitið ofninn í 180°C (blástur).
Þeytið sykur og egg þar til blandan verður létt og ljós.
Bræðið smjör og súkkulaði við vægan hita og leggið til hliðar.
Blandið hveitinu við eggjablönduna, sumir vilja sleppa hveitinu en þá verður kakan sérstaklega blaut.
Bætið súkkulaðiblöndunni varlega saman við í lokin.
Smyrjið bökunarfom eða setjið (eins og mér þykir best) bökunarpappír í botninn á forminu og hellið deiginu í.
Bakið kökuna í 25-30 mínútur.
Karamellusósa
5 msk. sykur
50 g smjör
rjómi, magn eftir smekk
Aðferð
Bræðið sykurinn á pönnu, þegar hann er uppleystur bætið þið smjörinu út á pönnuna.
Takið blönduna af hitanum, hrærið stanslaust og hellið rjómanum út á. Karamellusósan er tilbúin þegar sósan fer að þykkna.
Dreifið pekanhnetum yfir kökuna og hellið sósunni yfir. Setjið aftur inn í ofn í 3-4 mínútur. Berið kökuna gjarnan fram með rjóma eða ís.
Njótið!
Þú færð allt hráefni í þessa uppskrift í