Það er afar mikilvægt upp á góða heilsu að efnaskipti líkamans séu í góðu lagi. Og eins og allir vita þá stuðla líka léleg efnaskipti að þyngdaraukningu.
Til að bæta heilsuna, og fyrir bætt efnaskipti, er ýmislegt hægt að gera og það er síður en svo flókið. Það eru nokkrir veigamiklir þættir sem gott er að hafa í huga og fylgja daglega.
Hér eru sjö atriði sem geta hjálpað stórlega
1. Drekktu meira
Að drekka nægan vökva er eitt það fyrsta sem hafa þarf í huga – en það hjálpar stórlega við bætt efnaskipti. Auk þess brennir líkaminn færri hitaeiningum þegar hann vantar vatn. Og lifrin eyðir allri orku sinni í að varðveita vatnsbirgðir líkamans og brennir því minni fitu.
Drekktu því nóg af vatni og öðrum góðum vökva eins og til dæmis tei.
2. Ekki taka kolvetnin út úr fæðunni
Ekki gera út af við þig með því að fara á kúr sem miðast við það að taka öll kolvetni út.
Allir vita að skortur á kolvetnum getur haft neikvæð áhrif á heilastarfsemina – og slíkt gerir lítið annað en að búa til stress í líkamanum. Og stress er afar slæmt (sjá hér neðar).
3. Hafðu reglu á matmálstímum
Líkami okkar er hið mesta undratól og hann væntir þess að fá fæðu á ákveðnum tíma. Þess vegna notar hann nærri alla orkuna fyrir þann tíma því hann veit að fljótlega fær hann meiri orku.
En ef þú hins vegar borðar óreglulega þá geymir líkaminn orkuna í stað þess að nota hana því hann veit ekki hvenær hann fær næst orku. Þess vegna er skynsamlegt að borða á þriggja til fjögurra stunda fresti þar sem það hjálpar líkamanum að nota alla orku sína.
4. Mjólkuvörur eru góðar
Þær innihalda mörg næringarefni sem gegna veigamiklu hlutverki við fitubrennslu og uppbyggingu vöðva.
Kalkið í mjólkurvörunum gegnir til dæmis mikilvægu hlutverki við efnaskiptin. Því meira kalk sem safnast í fitufrumunum því meiri fitu brennir líkaminn.
5. Hættu að stressa þig
Flest vandamál við efnaskipti eru af völdum of mikils stress og vanhæfni okkar til að ráða við það. Þegar við erum stressuð hægir skjaldkirtillinn á efnaskiptunum.
Þótt það sé hægara sagt en gert þá verðuru að hætta að stressa þig viljir þú bæta efnaskiptin.
6. Hreyfðu þig
Öll hreyfing stuðlar að hraðari efnaskiptum.
Farðu út að labba, hlaupa, hjóla dansa eða í ræktina. Veldu það sem hentar þér best. Allar styrktaræfingar eru einstaklega góðar til að hraða efnaskiptunum.
7. Ekki snarla endalaust
Það er alls ekki sniðugt að snarla stöðugt á snakki, sætindum eða samlokum. Ef þú snarlar of mikið milli mála ertu að hægja á efnaskiptunum.
Orkan sem við fáum úr fæðunni endist yfirleitt í þrjá til fjóra tíma. Þegar snarlað er oft á milli mála kemur það í veg fyrir að líkaminn brenni fitu.