Sérfræðingar sem rannsakað hafa langlífi víða um heim hafa komist að þeirri niðurstöðu að þeir sem lifa lengst deila sömu áherslum í lifnaðarháttum sínum og hafa sömu siði og venjur í kringum mat.
Telja ekki hitaeiningarnar
Þegar lífshættir þessa fólks eru skoðaðir kemur meðal annars í ljós að þetta er fólk sem telur ekki hitaeiningarnar sem það lætur ofan í sig, það tekur ekki inn vítamín og fæðubótarefni og reiknar ekki út próteinin sem það innbyrðir.
Til að varpa enn betur ljósi á hvað það er sem þetta fólk á sameiginlegt og hvaða fæðu það neytir er hér listi yfir það helsta sem þetta langlífa fólk borðar.
1. Þau borð alla vega þrjú egg á viku
Þetta fólk borðar þó aðeins eitt egg í einu, það setur t.d. eitt harðsoðið egg í súpuna eða í vefjuna sína og borðar eitt egg í morgunmat með ávöxtum.
2. Stærsti hluti fæðunnar kemur af plöntum
Aðal uppistaðan í fæðunni, eða um 95 prósent hennar, kemur af plöntum. Hér er um að ræða grænmeti, heilkorn og baunir. Dökkgræna grænmetið er t.d. talið vera best og geta stuðlað að betri heilsu og langlífi.
3. Þau borða kjöt ekki oftar en tvisvar í viku
Hjá þeim einstaklingum sem tóku þátt í rannsókninni var kjöt sjaldan undirstaða máltíðarinnar. Kjötið er frekar haft sem meðlæti með öðru eða viðbót við aðra rétti, eins og t.d. í salöt og fleira slíkt.
4. Neyta allt að 85 gr. af fiski á dag
Rannsóknir leiddu í ljós að fiskneysla er mikil. Og þeir sem helst neyta plöntuafurða og borða lítinn skammt af fiski einu sinni á dag lifa lengst.
5. Neyta mjólkurafurða í takmörkuðu magni
Þetta fólk leitast frekar við að fá kalsíum úr t.d. grænkáli. Engu að síður eru vörur unnar úr geita- og sauðamjólk, eins og ostar og jógúrt, algengur hluti fæðunnar
6. Baunir eru mikilvægur þáttur fæðunnar
Svartar baunir, linsubaunir, hvítar baunir, kjúklingabaunir og sojabaunir. Í neysluvenjum þessa fólks er að minnsta kosti hálfur bolli á dag af baunum.
7. Brauð er einnig einn af undirstöðuþáttum fæðunnar
Þeir einstaklingar sem tóku þátt í rannsókninni borða mikið af brauði úr heilkornum, rúg og byggi. Súrdeigsbrauð eru einnig vinsæl.
8. Þau borða hnetur á hverjum degi
Hnetur hafa góð áhrif á heilsuna og þykir sannað að fólk sem borðar tvö lófafylli af hnetum á dag geti lækkað kólesterólið og minnkað líkur á ótímabæru andláti.
9. Sykurneysla er takmörkuð
Þetta fólk leitast við að neyta sykurs í litlu magni. Og unnar matvörur eru ekki algengar í þeirra neyslu. Sætindi, kökur og annað slíkt er ekki í boði á hverjum degi.
10. Rauðvín talið gott
Þegar neysluvenjur þessa fólks voru rannsakaðar kom í ljós að stærsti hluti þessa fólks drakk eitt til þrjú glös af víni á dag – og þá helst rauðvín.
11. Þau drekka te
Ákveðinn hluti hópsins sem rannsakaður var drekkur grænt te á hverjum degi og aðrir hópar drekka jurtate sem hafa jákvæð áhrif á bólgur í líkamanum.
12. Og þau drekka mikið kaffi
Stór hluti þessa fólks drekkur daglega vel af kaffi.
13. Vatnsdrykkja er líka mikil
Vatnsdrykkja er líkamanum nauðsynleg og drekkur þetta fólk vel af vatni – alla vega sjö glas á dag.
14. Taka ekki fæðubótarefni
Þessir einstaklingar taka engin fæðubótarefni. Það neytir hreinnar fæðu og forðast unna matvöru – og fær öll þau næringarefni sem líkaminn þarfnast úr fæðunni sjálfri.
