Þótt þú hafir aldrei gert ostaköku áður skaltu ekki láta það hindra þig í að prófa hana þessa.
En hún er alveg einstaklega einföld og fljótleg í framkvæmd – og svakalega góð og girnileg.
Frábær eftirréttur
Hér er kominn frábær eftirréttur og góð kaka sem ekki þarf að baka.
Karamellusósan sem fer yfir kökuna má annað hvort kaupa tilbúna eða gera sjálf/ur. Hér er neðan er hugmynd að einfaldri sósu.
Það sem þarf
Botninn
150 gr Digestive kex með súkkulaði, mulið
50 gr ósaltað smjör, bráðið
1 msk kakóduft
Fyllingin
300 gr rjómaostur
200 ml rjómi
200 gr Toblerone, bráðið
2 msk hlynsíróp
Til skreytingar
30 gr Toblerone
sölt karamellusósa
Aðferð
Blandið muldu kexinu, bráðnu smjöri og kakó vel saman.
Smyrjið 20 cm hringlaga form með smjöri eða úðið með bökunarspreyi.
Setjið kexblönduna í botninn á forminu og þrýstið henni vel niður. Látið síðan inn í ísskáp.
Hrærið rjómaostinn þar til hann er orðinn mjúkur og bætið þá rjómanum saman við. Hrærið þar blandan er orðin þannig að hún leki.
Bætið þá bráðnu súkkulaðinu og sírópi saman við og hrærið saman. Hellið blöndunni yfir kexbotninn.
Látið inn í kæli í að minnsta kosti 3 tíma.
Skreytið síðan með niðurskornu Toblerone og saltri karamellusósu.
Njótið!
Uppskrift ostaköku frá A dash of Ginger
Hugmynd að einfaldri karamellusósu
15 til 20 Freyju karamellur
1 dl rjómi
örlítið sjávarsalt.
Bræðið karamellur og rjóma saman í litlum potti og við vægan hita.
Bætið örlitlu salti út í og smakkið til.
