Ostasamlokur eiga ætíð við og eru alltaf jafn vinsælar.
Hér sýnir Jamie Oliver okkur hvernig hann gerir hina fullkomnu ostasamloku – og sú er meira en lítið góð og girnileg.
Samlokan er steikt á pönnu og Jamie segir galdurinn vera að snúa henni fjórum sinnum svo fullkomnum verði ná. Þá verður hún mjúk og fljótandi að innan en stökk að utan.
Jamie mælir með því að nota þétt og gott hvítt samlokubrauð og ost að eigin vali.
Það sem þarf
2 þykkar hvítar brauðsneiðar úr þéttu brauði
smjör, við stofuhita
ost að eigin vali, t.d. cheddarost (og jafnvel blanda tveimur uppáhalds ostunum saman)
cayenne pipar
Aðferð
Smyrjið brauðsneiðarnar báðum megin vel með smjöri.
Rífið ostinn niður.
Hrúgið ostinum á aðra brauðsneiðina.
Lokið samlokunni með hinni sneiðinni og þrýstið sneiðunum vel saman.
Setjið samlokuna á pönnu og steikið við miðlungshita (og frekar lágan en háan).
Steikið í 3 mínútur á hverri hlið.
Notið eitthvað þungt til að leggja ofan á samlokuna meðan hún steikist til að ná henni betur saman svo hún lokist.
Takið samlokuna af pönnunni.
Rífið niður meiri ost og setjið út á pönnunna.
Leggið samlokuna ofan á ostinn og látið hana liggja í honum í svona eina og hálfa mínútu.
Takið þá örlítinn cayenne pipar og dreifið ofan á ostinn í kringum samlokuna og aðeins ofan á hana.
Lyftið samlokunni upp af pönnuni og dreifið meira af rifnum osti á hana.
Setjið samlokuna aftur á pönnuna og látið hana liggja aftur í ostinum í svona eina og hálfa mínútu.
Takið þá af pönnunni og látið standa í um 2 mínútur áður en hún er borðuð því osturinn er brennandi heitur inni í henni.
Njótið!
Sjáðu hér í myndbandinu hvernig Jamie gerir þetta
