Jafnvel þótt þér finnist ekkert gaman að ganga þá er möguleiki að þessi grein fái þig til að skipta um skoðun.
Margir sem vilja léttast eiga það til að setja upp allskyns hindranir. Þeir halda t.d. að það þurfi flott tæki eða rándýrt kort í ræktina. En raunveruleikinn er annar og lausnin er svo einföld – allt sem þú þarft er að byrja að ganga!
Tíu þúsund skref á dag
Til að brenna 500 kaloríum daglega þá þarftu að ganga 10 þúsund skref, og já á hverjum degi.
Höfundur þessarar greinar er einkaþjálfari og er hann ötull við að hvetja fólk til þess byrja að ganga sér til heilsubótar. Að ganga getur lækkað áhættuna á of háum blóðþrýstingi, lækkað kólestról, hefur áhrif á sykursýki og svo við tölum nú ekki um hversu gott það er ef þú ert í átaki.
Það er einfalt að brenna 500 kaloríum á dag með því eingöngu að ganga. Það besta við að ganga er að þú getur gert það hvar sem er – í vinnunni, heima og í skólanum. Að ganga er frábær hreyfing fyrir ófrískar konur, fólk í yfirvigt, fyrir fólk sem þjáist af liðaverkjum, fólk með of háan blóðþrýsting og fyrir eldri borgara.
Alls ekki svo erfitt
Til að ná markmiðinu að brenna 500 kaloríum á dag þá þarftu 10 þúsund skref. Sumum finnst það eflaust alveg vonlaust að ná þessu, en það er ekki raunin. Venjuleg manneskja gengur frá eitt þúsund til þrjú þúsund skref daglega. Og með því að einbeita sér að því að ganga sér til heilsubótar er einfalt að bæta fjölda skrefa upp í 10 þúsund.
Hafðu þetta í huga: 1,6 km eru um 2000 skref og það tekur um 20 mínútur að ganga rösklega þessa 1,6 km.
Þú þarft að ganga um 8 km til þess að ná þessum 10 þúsund skrefum.
Hér að neðan eru ábendingar sem eiga að hjálpa þér að ná þessu markmiði
1. Notaðu alltaf skrefamæli
Skrefamælir er tæki sem telur skrefin sem þú tekur. Gott er að vera með app í símanum sem telur skrefin. Eftir hvern dag skaltu skoða skrefamælinn til að sjá hvort þú sért að nálgast markmiðið. Ef skrefin eru ekki eins mörg og þú hélst, þá er það verkefni fyrir næsta dag að gera betur. Farðu út að ganga eftir hádegisverðinn eða kvöldmatinn.
2. Bættu við 300 skrefum á dag
Alls ekki byrja á því að arka af stað til að ná strax 10 þúsund skrefum. Þetta er bara eins og hver önnur æfing. Þú byrjar hóflega og bætir svo í þegar þú finnur hversu gott það er að ganga. Miðaðu við 300 skref á dag en þau mega auðvitað vera fleiri. Haltu dagbók með skrefafjölda hvers dags.
3. Skuldbittu þig til að ganga
Já, það að ganga er auðveld hreyfing, en að ná 10 þúsund skrefum daglega er kannski ekki alltaf auðvelt. Þú þarft að vera einbeitt/ur og harka af þér. Settu þér markmið og stattu við það. Farðu daglega út að ganga til að auka skrefafjölda. Þegar þetta er svo komið í vana þá ertu í góðum málum.
4. Gakktu upp og niður brekkur
Að ganga upp brekkur brennir fleiri hitaeiningum. Ef þú býrð á stað þar sem góðar brekkur eru, skaltu nota þær óspart. Að ganga reglulega upp og niður brekkur styrkir og lengir vöðva í fótleggjum. Að ganga upp stiga/tröppur brennir einnig fleiri hitaeiningum.
5. Stilltu símann þannig að hann minni þig á að fara út að ganga
Fólk í dag er oft ansi upptekið og það er auðvelt…
Lesa meira HÉR
