Tólf ára sem dreymir um að syngja á Broadway fær gullna hnappinn og grætir dómarana

Hann er 12 ára gamall og dreymir um að verða Broadway stjarna – og hann syngur allan daginn sama hvað hann er að gera.

Ekki er ólíklegt að draumur hans eigi eftir að verða að veruleika eftir að hann mætti í prufur í Americas Got Talent og hlaut að launum gullna hnappinn fyrir flutning sinn. Hinn 12 ára gamli Luke er því floginn inn í undanúrslit í þessari stærstu hæfileikakeppni í heimi.

Dásamlegur, hæfileikaríkur og hógvær ungur drengur sem á svo sannarlega framtíðina fyrir sér!