Langbesta skúffukakan – sem klikkar aldrei

Það þurfa einfaldlega allir að eiga góða skúffukökuuppskrift og þessi svínvirkar í hvert einasta sinn!

Þessi uppskrift passar í litla skúffu en ef þið viljið baka hana í stórri ofnskúffu þá má tvöfalda hana.

Uppskriftin er frá henni Lilju Katrínu á blaka.is, en Lilja Katrín er einmitt að safna fyrir útgáfu á bökunarbók og sjá má frekari upplýsingar um það hér að neðan.

Það sem þarf

Skúffukakan

• 2 bollar hveiti
• 2 bollar sykur
• ¼ tsk sjávarsalt til að skreyta
• 230 g smjör
• 4 msk kakó frá
• 1 bolli sjóðandi heitt vatn
• ½ bolli súrmjólk
• 2 stór egg (þeytt)
• 1 tsk matarsódi
• 1 tsk vanilludropar

Kremið

• 150 g mjúkt smjör frá
• 300 g flórsykur
• ½ bolli Gestus-karamellusósa
• 1 tsk vanilludropar
• ¼ tsk sjávarsalt
• 1-2 msk nýmjólk
• 1-2 bollar Brak frá Góu
• 3-4 msk kakó

Aðferð kakan

1. Hitið ofninn í 180°C og smyrjið eina litla ofnskúffu.
2. Blandið hveiti, sykri og salti vel saman í skál.
3. Bræðið smjörið í potti og bætið kakói og sjóðandi heitu vatni saman við þegar smjörið er bráðnað.
4. Blandið súrmjólk, eggjum, matarsóda og vanilludropum saman í lítilli skál.
5. Blandið súrmjólkurblöndunni saman við hveitiblönduna og síðan vatnsblöndunni. Hrærið allt vel saman.
6. Hellið blöndunni í skúffuna og bakið í 25-30 mínútur.

Aðferð kremið

1. Þeytið smjörið í 2-3 mínútur og hrærið síðan flórsykrinum saman við.
2. Blandið karamellusósu, kakó, vanilludropum og salti vel saman við.
3. Ef kremið er of þykkt má bæta smá mjólk saman við.
4. Smyrjið kreminu ofan á kökuna þegar hún hefur kólnað og skreytið með Braki.

Allt hráefni í þessa uppskrift færðu í

Bókunarbók Blöku

Lilju Katrínu langar að láta draum sinn um bökunarbók rætast. En hún stefnir á að gefa út bók með vel völdum uppskriftum og góðum eldhúsráðum. Sjálf er hún búin að fjármagna efni og hönnun en hana vantar aðeins upp á til að geta prentað bókina.

Þess vegna leitar Lilja Katrín til ykkar og biður ykkar að leggja sér lið – svo endilega kíkið hér á Karolina Fund