Getur það verið að með því að stunda kynlíf reglulega megi bæði bæta líðan síðan og heilsu að mörgu leyti?
Svo vilja sérfræðingar alla vega meina og þreytast seint á því að segja okkur hversu gott kynlífið sé fyrir okkur. Samkvæmt þeim getur kynlífsiðkun víst gert ótrúlegustu hluti fyrir líkama og sál.
Fyrir utan þá ánægju sem kynlíf veitir eru hér tólf atriði sem það getur annað hvort læknað, dregið úr eða gert betra
1. Kynlíf getur hjálpað til við góðan svefn
Það þykir margsannað að kynlíf hjálpar okkur að slaka á. Við kynmök losna hormónarnir oxytocin út í líkamann en þessir hormónar eru gjarnan kallaðir ástarhormónarnir. Þeir veita vellíðan og ákveðna ró og nánd. Þannig að ef þú getur ekki sofið þá veistu hvað þú átt að gera.
2. Kynlíf getur læknað höfuðverk
Já, þar flaug sú gamla afsökun út um gluggann að kenna höfuðverknum um að geta ekki haft mök.
Fyrir þá sem þjást af mígreni er kynlíf víst mjög góð lausn við höfuðverknum og gæti jafnvel verið betri leið en verkjatöflurnar. Við mök myndast endorfín hormónar í heila sem eru verkjastillandi.
3. Kynlíf dregur úr stressi
Það er að segja það hjálpar þér að vera minna stressaður. Það eru oxytocin hormónarnir sem veita þessa róandi tilfinningu.
4. Kynlíf minnkar verkjanæmi
Talið er að kynlíf geti hækkað verkjaþröskuldinn og þar með látið þig finna minna til. Það er endorfínið sem myndast er virkar eins og náttúruleg verkjatafla.
5. Kynlífið getur dregið úr veikindadögum
Þeir sem stunda kynlíf reglulega hafa víst meira þol gagnvart sýklum, veirum og öðru slíku, og veikjast því síður.
6. Kynlíf getur lækkað blóðþrýstinginn
Sérfræðingar vilja meina að bein tengsl séu á milli lægri blóðþrýstings og þess að stunda reglulega kynlíf. Þá vitið þið það!
7. Kynlíf styrkir grindarbotnsvöðvana
Og hverjum veitir nú ekki af því með hærri aldri? Auk þess hjálpar það þvagblöðrunni, en talið er að t.d. um 30% kvenna þjáist af þvagleka.
8. Kynlíf dregur úr áhættunni á hjartasjúkdómum eins og hjartaáfalli
Gott er að leyfa hjartanu að pumpa aðeins.
Rannsóknir hafa sýnt að karlar sem stunda kynlíf að minnsta kosti tvisvar í viku eru í helmingi minni hættu á að deyja úr hjartasjúkdómum en þeir sem stunda kynlíf sjaldan.
9. Kynlíf er fín líkamsrækt
Auðvitað kemur það ekki alveg í stað hefðbundinnar hreyfingar en það vissulega hjálpar.
10. Frábært fyrir konur á breytingaskeiði
Kynlíf er mjög gott fyrir konur á breytingaskeiði þar sem það dregur úr mörgum einkennum þessa tímabils.
11. Kynlíf getur stoppað hiksta
Þá er komin fín leið til að losna við hikstann. Ekkert að halda niðri í sér andanum lengur eða drekka vatn – bara stunda kynlíf.
12. Kynlíf eykur kynhvötina
Að stunda kynlíf leiðir oftast til meira og betra kynlífs.
Og þar höfum við það!
