Maður getur alltaf bætt sig og þegið góð ráð þegar kemur að samskiptum við makann. Og þá skiptir engu máli hvort þið hafið verið saman í mörg, mörg ár eða aðeins í stuttan tíma.
Litlu hlutirnir
Við þurfum stöðugt að minna okkur á að það eru litlu hlutirnir í lífinu sem skipta máli þegar heildarmyndin er skoðuð – það sem við venjum okkur á á hverjum degi í samskiptum okkar við hvort annað getur algjörlega gert gæfumuninn.
Ef þið venjið ykkur á ákveðin atriði í samskiptum ykkar við makann finnið þið fljótlega ástina blómstra sem aldrei fyrr.
Hér eru ellefu frábær ráð sem virka
1. Segið„viltu“ og „takk“. Þetta sýnir maka þínum að þú kannt að meta hann/hana og kemur í veg fyrir að þið takið hvort öðru sem sjálfsögðum hlut.
2. Strjúkið hvort öðru daglega og sýnið hlýju.
3. Kyssist á hverjum morgni.
4. Kyssið líka hvort annað fyrir svefninn.
5. Bjóðið hvort öðru alltaf „góðan daginn“.
6. Kúrið saman.
7. Eyðið alltaf að minnsta kosti einu kvöldi í viku saman með vinum ykkar eða fjölskyldu. Ekki vera bara alltaf ein saman heima.
8. Komið ykkur upp einhverskonar samkomulagi um það hver á að ganga frá eftir matinn í það og það skiptið. Þannig verður þetta ekki endalaust þrætuepli.
9. Hlustaðu á makann. Virkilega hlustaðu og ekki grípa frammí.
10. Temjið ykkur að vera alltaf hreinskilin, jafnvel þegar það er óþægilegt.
11. Þið sem búið saman, gætið ykkar á því að eiga ykkar stað á heimilinu þar sem þið getið verið ein, hugsað, slakað á, ræktað sjálfið og gert það sem ykkur langar til án makans.
Ástin lengi lifi!
