Þykir þér vænt um sjálfa/n þig?
Og elskar þú þig sjálfa/n nógu mikið?
Það er alls ekkert rangt við það að elska sjálfan sig heldur algjörlega nauðsynlegt. En sumum þykir það hins vegar óþægilegt að segjast elska sjálfa/n sig og tengja það við eigingirni.
En málið er að ef við elskum ekki okkur sjálf hvernig getum við þá vænst þess að aðrir elski okkur?
Rífur þú sjálfa/n þig niður
En kemur þú jafn vel fram við sjálfa/n þig og þú gerir við aðra?
Það er nefnilega algengt að fólk sé vinsamlegra og betra við aðra en það er við sjálft sig. Þetta er hegðun sem kemst upp í vana og byrjar oft sem ákveðin pressa að koma vel fyrir og að standa undir væntingum annarra. En ef líf þitt snýst um það að standa undir væntingum annarrra og að líta vel út út á við bendir það til þess að þú elskir sjálfa/n þig ekki nægilega mikið.
Það er ekki nóg að allt virðist óaðfinnanlegt hjá þér svo aðrir sjái ef þú rífur svo sjálfa/n þig niður og ert ekki nógu góð/ur við þig sjálfa/n.
Hér eru 7 atriði sem þeir er elska sig sjálfa gera ekki
1. Þú færð ekki samviskubit yfir því að eyða tíma í sjálfa/n þig
Hugsaðu þetta eins og ráðlagt er þegar þú ferð í flug, þetta með að setja súrefnisgrímuna fyrst á sjálfan sig áður en þú aðstoðar aðra. Þeir sem elska sjálfa sig skilja mikilvægi þess að taka sér tíma í að gera eitthvað fyrir sjálfan sig. Það er ekki eigingirni – það er nauðsynlegt.
2. Þú tekur ekki of mikið að þér
Þeir sem elska sjálfan sig kunna að segja nei og vita að það er nauðsynlegt svo þeir geti sagt já við öllu því sem er mikilvægt fyrir þá. Ekki láta fólk koma inn samviskubiti hjá þér svo þú segir já – hafðu það á hreinu hvar þú dregur mörkin.
3. Þú ert ekki stöðugt að bera þig saman við aðra
Þeir sem elska sjálfa sig vita að best er að leggja áherslu á sjálfa/n sig en ekki vera í stöðugum samanburði. Samanburður gerir lítið annað en að ræna þig allri gleði og gera þig óánægða/n. Einstaklingar sem elska sjálfa sig vita t.d. að það sem þeir sjá á samfélagsmiðlum er ritstýrð útgáfa af glanslífi annarra og að þannig er lífið oftast ekki.
4. Þú treystir ekki á að aðrir geri þig hamingjusama/n
Ef þú elskar sjálfa/n þig veistu hvað gerir þig hamingjusama/n. Þú gerir þér fulla grein fyrir því að það eru ekki aðrir sem stjórna hamingju þinni. Hamingjan verður til innra með þér sjálfri/sjálfum og það sem aðrir gera má alls ekki stjórna þinni hamingju.
5. Þú óttast ekki að biðja um hjálp
Það er alls ekki veikleikamerki að biðja um hjálp og það vita einstaklingar sem elska sjálfa sig. Þú veist að þú getur ekki gert allt sjálf/ur og að oft er betra að biðja aðra um aðstoð. Flestum finnst líka gott að geta hjálpað og því geturðu látið öðrum líða vel um leið og þú þiggur hjálp.
6. Þú efast ekki stöðugt um sjálfa/n þig og þínar ákvarðanir
Einstaklingar sem elska sjálfa sig vita að allir gera stundum mistök en þeir vita líka að það þarf að taka ákvarðanir. Þess vegna taka þeir ákvarðanir og standa með þeim en efast ekki stöðugt. Þeir vita líka að sumar ákvarðanir geta verið rangar og þá taka þeir á því þegar að því kemur en eru ekki að láta það naga sig endalaust hvor hún hafi verið rétt eða röng.
7. Þú lætur ekki mistökin stjórna þér og þínum gerðum
Þeir sem elska sjálfa sig vita að mikilvægt er að fyrirgefa sjálfum sér alveg eins og þeir geta fyrirgefið öðrum. Þessi einstaklingar gera sér grein fyrir því að þeir eru mennskir og að enginn er fullkominn – og þeir vita að þeir muni læra af reynslunni. Þess vegna halda þeir áfram, fyrirgefa sjálfum sér og einblína á það sem framundan er en ekki það sem er liðið. Við getum heldur ekki breytt fortíðinni en framtíðin er okkar.
