Á nýju ári er ávallt forvitnilegt að skoða hvað framtíðin ber í skauti sér. Og þá getur einmitt verið gaman að skoða stjörnuspár og sjá hvað stjörnurnar segja um árið framundan.
Hér er glæný stjörnuspá fyrir janúar 2018 frá hinni dásamlegu Guðfinnu Ingu eða Guffu eins og við kjósum að kalla hana.
Njótið með opnum huga!
Meyjan – Janúar 2018
Elsku skemmtilega Meyjan mín.
Núna stendur þú frammi fyrir nýjum tækifærum og þú einhvern vegin hefur ákveðið það innra með þér að skipta aðeins um gír þetta árið. Þetta verður spennandi og skemmtilegt andlegt ferðalag hjá þér.
Ég sé alla liti regnbogans líka með þér og eins og þú sért að fara að njóta þín á öllum sviðum. Líka á þeim sviðum sem þér finnst óþægilegt að nálgast.
Hmm… kannski að einhverjar tilfinningar þurfi að leysast úr læðingi áður en þú hefst handa. Ekki efast um eigið ágæti – þú getur þetta allt saman .
Svona í kringum 18. janúar koma inn fölbláir litir eða orka Erkiengilsins Michaels. Hún kemur inn sem róandi afl og hjálpar þér að hlusta á hjartað og taka ákvarðanir út frá því.
Að breyta um og prófa nýjar leiðir er gaman og leiðir þig inn á enn dýpri og innihaldsríkari víddir/svið en oft áður. So go for it!
Peningar eru hér og gróska. Og Meyjunni finnst gaman að búa til peninga. Þú kannt það!
Þrjú verkefni sem þú ert að leysa. Gæti verið vinnutengt. Verður mjög ánægð. Fjör og mikið af nýju fólki.
Og svo er tilfinningastöðin þín opin sem kemur ekki á óvart því Erkiengillinn Michael er svo áberandi með þér í þessum mánuði.
Mantraðu nógu oft með þér: Ég treysti mínum tilfinningum og mínu hjarta.
Það er minn sannleikur.
Vogin – Janúar 2018
Elsku besta Vogin mín
Það fyrsta sem ég verð vör við er ástin. Það eru ný eða nýleg sambönd í þróun hér og mikil fegurð. Ef þú tengir ekki skoðaðu þá aðeins sjálfa/n þig hvort þú sért ekki að enduruppbyggja sambandið við sjálfa/n þig. Mikill fallegur bleikur litur kemur hérna inn með þér og gerir þig svo hamingjusama/n að öllu leyti.
Það er ákveðinn léttleiki og gleði sem fylgir þér inn í nýja árið.
Ég sé sólina – svo það kæmi mér ekki á óvart að þú værir að fara að heimsækja strendurnar, sólina og sjóinn. Verður hrikalega notalegt. Njóttu.
Síðan ert þú að klára eitthvað gamalt mál. Þetta er eitthvað fjármálatengt og það verður þér mikill léttir þegar þetta er komið í höfn.
Aldrei efast um að þú getir ekki eitthvað. Ef það er of flókið fyrir þig biddu þá um hjálp og aðstoð.
Fjögur afgerandi tímabil hjá þér á næstu vikum og fram að vorinu.
Þú kemur inn með Erkiengilinn Metatron um cirka 10. janúar og hann hjálpar þér að varpa ljósi á ýmis mál. Eða þú ferð að sjá sjálfa/n þig og aðstæður í allt öðru ljósi en vanalega. Orka Metatrons inniheldur bleika orku. Sterk og djúp áhrif.
Mantraðu nógu oft með þér: Ég er opin/n fyrir nýjum tækifærum. Ljósið og krafturinn fylgir mér.
Sporðdrekinn – Janúar 2018
Elsku besti Sporðdrekinn minn.
Þú ert að losa þig við eitthvert gamalt samviskubit og óþarfa áhyggjur sem þú hefur ekkert að gera með. Ekki taka eitthvað inn á þig sem er ekki þitt.
Ég sé fallega sameiningu hér. Hvort sem það er á milli einstaklinga eða fólk að stofna fyrirtæki eða rekstur saman. Bara passa sig á því að hafa allt á hreinu með pappíra, peningamál og fleira. Skilurðu!
Ferðalag og þolinmæðin kemur hérna sterkt með þér. Kannski þarft þú að sýna af þér mikla þolinmæði og umburðarlyndi með heilsu og fleira á árinu. Þetta er ár heilsu þinnar – ferðalag sem þú skalt sinna vel.
Erkiengillinn Raphael kemur hérna til þín í kringum 7. janúar með mikið af fallegum djúpbláum litum. Hann eykur innsæi þitt og varpar ljósi á sannleikann. Hann er líka með skapandi orku og þetta er góður mánuður fyrir nýjar hugmyndir og til að koma þeim í framkvæmd! Jebb… þetta á eftir að ganga rosalega vel hjá þér.
Tækifæri og meiri tækifæri er það sem ég sé og heyri. Þannig að njóttu þess kæri Sporðdreki. Það kemur líka hérna einhver breyting með flutninga.
Mantraðu nógu oft með þér: Lífið er núna. Ég ætla að njóta mín. Takk!
Bogmaðurinn – Janúar 2018
Elsku besti Bogmaðurinn minn.
Þú ert að losa þig við ákveðin verkefni eða byrðar sem tengjast inn á fólk. Gætu verið vinir og vandamenn? Þú ert að sjá í gegnum allt og alla einhvern veginn og það gefur þér svo mikinn kraft og vellíðan og það er flott að byrja árið þannig.
Nýtt upphaf í peningamálum og með vinnu/verkefni.
Flutningar gætu líka komið snemma inn á árinu. Ertu að fara að leigja eða kaupa?
Ég sé líka skapandi tækifæri. Gróska, gleði og hlátur. Og nóg af útilegum næsta sumar. Það kemur áður en þú veist af.
Bogmaðurinn vill hafa hlutina í röð og reglu. Þér er illa við ef eitthvað er á ská – Segi svona. En beint viltu hafa það. Ekki brjóta þig niður ef það er ekki alveg bein leið að markmiðinu. Þetta kemur. Vertu þolinmóð/ur.
Erkiengillinn Sandalphon kemur inn með þér í kringum 8. janúar. Hann er með fallega kórallitaða orku ásamt fallega fölfjólubláum lit. Eitthvað er að breytast innra með þér og sterk tenging við innra barnið eða stjörnuna innra með þér þarf í rauninni að fá að skína skært. Ekki loka á þennan geisla. Annars myndast innri togstreita og ringulreið. Nei, nei, þú vilt það ekki kæri Bogmaður.
Svo haltu áfram að skína skært og mantraðu nógu oft með þér: Ég leyfi mér að skína skært og njóta mín á allan hátt.
Með ljósi og litum ávallt.
Guffa
HÉR er spáin fyrir Steingeitina, Vatnsberann, Fiskana og Hrútinn.
Og HÉR fyrir Nautið, Tvíburann, Krabbann og Ljónið.
