Þetta er varasettið sem þú vilt eignast núna - og styrkja frábært málefni

Forsíða » Nýtt » Þetta er varasettið sem þú vilt eignast núna – og styrkja frábært málefni

Á maður nokkurn tímann nóg af varalitum og glossum?

Svo virðist alla vega vera að maður geti endalaust bætt við safnið og í snyrtibudduna sína.

Náttúrulegar og án parabena

Hér er varalitur og gloss sem þú vilt klárlega eignast – en um er að ræða varasettin sem seld eru undir merki söfnunarátaksins Á allra vörum. Varasettin eru frá Benecos sem eru vandaðar snyrtivörur og henta öllum aldri. Þær eru náttúrulegar, lífrænar og án parabena. Þá eru vörurnar umhverfisvænar og ekki prófaðar á dýrum.

Áhersla á Kvennaathvarfið

Í ár er söfnun Á allra vörum beint að Kvennaathvarfinu og uppbyggingarstarfi þess. Þar hefur verið unnið ómetanlegt starf, allt frá stofnun fyrir 35 árum síðan, í þágu kvenna og barna sem búa við ofbeldi. Kvennaathvarfið er þó fyrst og fremst neyðarathvarf og er hugsað sem tímabundin lausn. Á allra vörum átakið 2017 snýst um landssöfnun fyrir uppbyggingu á íbúðahúsnæði fyrir konur og þeirra börn sem eiga ekki í öruggt skjól að venda að lokinni dvöl í Kvennaathvarfinu.

Áhersla átaksins í ár er safna fyrir byggingu á íbúðarhúsnæði fyrir konur og börn í neyð á grundvelli laga um almennar íbúðir. Um er að ræða 12-14 litlar íbúðir þar sem dvalartíminn væri 12 til 24 mánaðir. Þar verður einnig stuðningsþjónusta í samstarfi við Kvennaathvarfið, lögreglu og félagsþjónustu. Skipulag íbúðanna verður með þeim hætti að fjölskyldurnar fá stuðning hvers af annarri.

Splæstu í sett og styrktu gott málefni

Splæstu í fallegt varasett handa sjálfri þér, mömmu, ömmu eða frænku og styrktu um leið frábært málefni.

Settin fást í tveimur litum og eru seld á yfir 100 stöðum á landinu, meðal annars á heimasíðu Á allra vörum, í apótekum, Hagkaup, Hreyfingu og fríhöfninni í Keflavík – verðið er 3.900 krónur.

Hér er listi yfir sölustaðina