Hversu oft hefur þú ekki séð einhvern gera of mikið úr afar litlu atviki, eins og t.d að fá vitlausa pöntun á veitingahúsi eða vera fastur á rauðu ljósi!
Hér er önnur spurning: Hversu oft er þessi manneskja þú?
Verum nú hreinskilin: Það er enginn saklaus af þessari hegðun.
Afhverju gerum við þetta stundum?
Við berum öll ákveðið magn af spennu innra með okkur og mikið af henni dvelur í undirmeðvitundinni. Að gera of mikið úr litlu atviki tengist atvikinu sjálfu yfirleitt ekki neitt, þetta liggur miklu dýpra.
Hér eru tvö dæmi
A: Tökum sem dæmi að þér finnist þú hafa átt erfiða æsku. Foreldrar þínir studdu þig ekki nóg, ástin í lífi þínu hætti með þér og þú hefur ekki ennþá fengið draumastarfið. Vinir hafa svikið þig. Ok, lífið lítur út fyrir að vera voða erfitt og stressandi alla daga. Einn morguninn þegar þú ert að kaupa latté, þá færðu afgreitt svart kaffi í staðinn. Hvernig bregstu við?
B: Tökum sem dæmi að þú hafir allt sem þú þarft í lífinu. Foreldrarnir gerðu sitt besta og þú hefur lært af mistökum þínum og þeim svikum sem þú hefur orðið fyrir. Þetta hefur styrkt þig og gert þig að betri manneskju. Þú hefur stað til að búa á, mat að borða, vatn að drekka og ert heilbrigð/ur. Einn morguninn þegar þú ert að kaupa latté, þá færðu afgreitt svart kaffi í staðinn. Hvernig bregstu við?
Málið er að þín viðbrögð eru ekki út af kaffinu. Heldur er það hvernig við sjáum veruleikann. Þetta er um þá sögu sem að við segjum okkur sjálfum um lífið.
Þegar við erum þakklát fyrir að hafa nóg þá eiga smávægileg mistök ekki að vera stórmál. Við drekkum bara kaffið og þökkum fyrir okkur, eða biðjum fallega um að fá rétt afgreitt. Hinsvegar, þegar við lítum á raunveruleikann, þá er eins og allur heimurinn sé á eftir okkur og stúlkan sem afgreiddi ranga pöntun af kaffi verður hluti af því og við látum reiði okkar bitna á henni.
Það er líka eitt sem við hugsum ekki út í, kannski er stelpan sem afgreiðir á kaffihúsinu ekki í sínu draumastarfi. Hún er þreytt eftir langar vaktir og finnst hún hafa verið svikin af þeim sem að standa henni næst. Hún er kannski illa sofin, á veika ömmu sem hún hugsar um á milli vakta og hennar mistök með kaffið er vegna þess að hún er þreytt og þá gerast mistökin.
Þú getur breytt þessu. Reyndu að finna jákvæðu hliðina á sjálfri þér og fyrr en varir ertu farin/n að smita út frá þér bara með því að brosa, sem dæmi.
Hér er æfing sem að ætti að losa þig við áraraðir af vonbrigðum, stressi og særindum
1. Í lok hvers dags skaltu taka frá tíma sem er bara fyrir þig, tíma þar sem þú slakar á og losar þig við stress.
2. Vertu á stað þar sem þér líður vel og þú ert ekki trufluð/truflaður eða dæmd/ur af ókunnugum.
3. Taktu með þér blað og penna.
4. Gerðu lista yfir alla sem hafa sært þig einhvern tímann á lífsleiðinni. Ekki gleyma neinum. Hugsaðu um hvað fólk hefur gert þér og þér fannst ósanngjarnt og lét þér líða illa. Hugsaðu eins langt til baka og þú getur og byrjaðu að skrifa niður nöfn. Gefðu þér góðan tíma svo þú gleymir engum.
5. Taktu núna tíma í að fyrirgefa…
Lesa meira HÉR
