Á hverjum degi missum við hár af höfði okkar – sem er í sjálfu sér alveg eðlilegt. En hins vegar getur mikið hárlos verið merki um að ekki sé allt með felldu.
Karlar eru líklegri til að missa hárið en konur, sem er bara ein af staðreyndum lífsins. Engu að síður getur hárlos líka verið vandamál hjá konum.
Hér eru þrettán ástæður fyrir hárlosi og hármissi
1. Áfall
Hvers kyns líkamleg áföll geta leitt til hárloss. Slys, aðgerð, alvarleg veikindi og jafnvel slæm flensa getur leitt til þess að hárið detti tímabundið af. Þetta eru aðeins ein af viðbrögðum líkamans við of miklu álagi. En um leið og líkaminn hefur jafnað sig fer hárið að vaxa aftur.
2. Of mikið A-vítamín
Talið er að of mikil neysla A-vítamíns geti leitt til hárloss.
3. Skortur á prótíni
Ef ekki er nægjanlegt prótín í fæðunni getur það leitt til þess að hárið hættir að vaxa. Fiskur, kjöt og egg eru ríkir prótíngjafar.
4. Aldur
Konur sem komnar eru yfir fimmtugt upplifa margar að hár þeirra þynnist og sumar upplifa mikið hárlos. Líklegt er að tíðahvörf og hormónar eigi stóran þátt þátt í því.
5. Erfðir
Í sumum fjölskyldum er algengt að konur missi hárið á ákveðnum aldri. Hér er þó ekki verið að tala um algjöran hármissi heldur þegar hárið þynnist verulega mikið og verður grisjótt.
6. Hormónahopp
Konur á breytingaskeiði geta átt við hárlos að stríða þegar hormónarnir eru í stanslausri rússíbanareið.
7. Andlegt álag
Þótt líkamlegt álag sé líklegra til að leiða til hármissis getur andlegt álag líka leitt til hárloss – til dæmis við skilnað, dauðsfall og annað slíkt sem reynist erfitt andlega.
8. Blóðleysi
Blóðleysi af völdum járnskorts getur leitt til hárloss.
9. B-vítamín skortur
Ef líkamann vantar B-vítamín getur það leitt til hármissis.
10. Gífurlegt þyngdartap
Skyndilegt þyngdartap getur leitt til þess að hárið þynnist verulega. Þetta getur gerst þrátt fyrir að þyngdartapið sé gott fyrir þig en slíkt getur einnig verið merki um átröskun.
11. Lyfjataka
Sum lyf, eins og viss blóðþynningar- og blóðþrýstingslyf og þunglyndislyf geta valdið því að hárið þynnist og dettur af.
12. Of mikið af tækjum, tólum og efnum
Langvarandi notkun sterkra efna og heitra tækja í hárið getur leitt til hármissis. Þar sem þessar meðferðir ná til hárrótarinnar gæti afleiðingin orðið sú að hárið vaxi ekki aftur.
13. Hármissir karlmanna
Tveir af hverjum þremur karlmönnum upplifa hármissi í kringum sextugt. Þetta tengist fyrst og fremst genum og hormónum – og er alveg eðlilegt.
