Fyrir suma getur verið erfitt að ferðast sökum kvíða.
Við vonum að þessir litlu atriði hér að neðan geti hjálpað þeim sem þjást af kvíða að ferðast kvíðalaust, eða með minni kvíða en vanalega.
Sjálf þekki ég ferðakvíða afar vel. Ég verð eins og brjálæðingur að skipuleggja og plana og allt þarf að vera svo fullkomið að ég eiginlega eyðilegg ferðalagið fyrir sjálfri mér sökum kvíða.
Að fara í ferðalag raskar öllu
Ég er ein af svo ótal mörgum sem lifi með þunglyndi og ofsakvíða svo það eitt að ákveða ferðalag raskar öllu fyrir mér. Ég fer að grípa í hin einkennilegustu hálmstrá og reyni að finna allskyns ástæður fyrir því afhverju ég ætti alls ekkert að vera að fara í ferðalag. Oftast endar þessi kvíði í ofur stressi sem svo endar með því að ég verð veik líkamlega.
Í dag er ég sem betur fer betur undirbúin fyrir ferðalög því ég þekki mína veikleika og kvíða og ég vona að þetta hér að neðan geti hjálpað ykkur sem kannist við það sem ég er að tala um.
Auðveldast að fara ekkert – en ekki rétta leiðin
Það getur verið svo dásamlega gaman að ferðast saman. Ferðalög tengja pör og hjón betur saman og oft þá nær fólk þessari dásamlegu nánd.
En fyrir ferðalanginn sem þjáist af kvíða þá geta ferðalög verið yfirþyrmandi og hreinlega hrætt viðkomandi.
Náttúruleg viðbrögð líkamans við kvíða er að berjast eða flýja.
Auðvitað er mjög auðvelt að koma í veg fyrir þennan kvíða með því að fara ekkert í ferðalagið, en með því að velja að fara þá ertu komin/n einu skrefi á undan kvíðanum. Þú ert að berjast á móti kvíðanum og skipuleggja ferðalagið.
Hugsaðu um þessi ráð hér að neðan eins og litla verkfæraboxið sem þú tekur með þér í ferðalag – þá er ég að tala við þig, já, þú sem ert með kvíðann.
Orð frá sálfræðingi ….
Í minni vinnu fæ ég mjög oft til mín sjúklinga sem finna fyrir ferðakvíða. Þó svo að gott plan og rútína geti dregið úr þessum kvíða þá er hann enn til staðar að einhverju leyti. En málið er að það að ferðast tekur þig út úr þínum þægindahring, byggir upp sjálfstraust svo þú verður sjálfstæðari.
Slappaðu af
Þér gæti þótt afar yfirþyrmandi að vera með strangt ferðaplan. Prufaðu að skipuleggja ekki meira en tvennt að gera daglega, hvort sem það er skoðunarferð eða að kíkja á safn. Með þessu þá veistu hverju von er á og þú róast niður. Svo þegar þér er farið að líða betur í fríinu þá má breyta skipulaginu og halda öllu opnu. Muna bara að anda inn um nefið og út um munninn ef kvíðakast er í aðsigi. Það er líka gott að telja afturábak.
Talaðu um það
Mundu að útskýra hvernig þér líður. Tala um það. Alls ekki reyna að kyngja þinni líðan. Þú verður að fá styrk frá ferðafélaganum því annars verður þetta svo erfitt fyrir þig.
Talaðu við lækninn þinn
Áður en þú ferð í ferðalag, skaltu tala við lækninn þinn um ferðakvíðann sem er að plaga þig. Ef þú ert á lyfjum þá skaltu vera viss um að þú eigir nóg og að þú þurfir ekki að auka skammtinn vegna ferðakvíðans.
Sálfræðingur segir….
Ég sjálf er að berjast við ferðakvíða og finnst alltaf jafn erfitt að byrja að plana og ákveða ferðalög. Ég reyni að forðast ferðalög – vera bara heima í mínum þægindahring. En ég er svo ofsalega heppin að ég giftist manni sem er ferðasjúkur. Og þó það hafi tekið mig tíma, þá næ ég að halda ferðakvíðanum niðri í dag.
Pakkaðu einhverju sem þér þykir vænt um
Fyrir suma þá er það…
Lesa meira HÉR
