Ég veit ekki með ykkur
en mér finnst afskaplega gott að eiga einfaldar, góðar og fljótlegar uppskriftir til að grípa í þegar tíminn er naumur.
Hér er ein svona fljótleg og einföld uppskrift að dúnmjúkri fylltri súkkulaðiköku. Já hún er fyllt og það er gert með því að stinga fullt af litlum götum í hana.
Það er hún Betty Crocker vinkona okkar sem hjálpar til við þennan bakstur og gerir þetta fyrir vikið afskaplega fljótlegt.
Það sem þarf
1 pakki Betty Crocker Devil’s Food Cake Mix (og egg, vatn og olíu samkvæmt upplýsingum á pakka)
1 bolli súkkulaðidropar, bráðið
4 dl (1 dós) sæt mjólk/condensed milk
Fyrir kremið
1 bolli mjúkt smjör
2 ½ bolli flórsykur
¾ bolli kakó
2 tsk vanilludropar
örlítið salt
¼ bolli rjómi
Aðferð
Hrærið innihaldi Betty Crocker Devil’s Food Cake Mix saman við vatn, olíu og egg – samkvæmt leiðbeiningum á pakka.
Smyrjið form með olíu, smjöri eða spreyið með bökunarspreyi. Dreifið örlitlu kakó um allt formið.
Setjið deigið í formið og bakið samkvæmt leiðbeiningum á pakka.
Takið kökuna út úr ofninum þegar pinni sem stungið er í hana miðja kemur upp hreinn.
Takið sleif og notið skaftið til að stinga fullt af litlum götum í kökuna.
Blandið sætu mjólkinni og bráðna súkkulaðinu saman í skál. Hrærið saman og dreifið síðan yfir kökuna svo blandan renni ofan í götin.
Setjið síðan smjör og flórsykur í skál og hrærið aðeins saman. Blandið þá kakó saman við og hrærið varlega. Bætið svo vanilludropum, salti og rjóma saman við.
Setjið kremið ofan á kökuna og smyrjið yfir hana. Dreifið rifnu súkkulaði yfir að lokum.
Skerið í bita og njótið!
Sjáðu hér í myndbandinu hvernig þetta er gert
Jóna Péturs – kokteillinn@gmail.com
