Sítrónukaka er eitt það besta sem við fáum. Hún er svo frískandi, létt og bragðgóð – og hver biti hrein dásemd.
En allra besta sítrónukakan sem við fáum er á Starbucks og því erum við afar glöð með þessa uppskrift sem hún Svava á Ljúfmeti og lekkerheit deilir hér með okkur. En fyrirmyndin er auðvitað kakan á Starbucks.
Það sem þarf
- 1 ½ bolli hveiti
- ½ tsk lyftiduft
- ½ tsk matarsódi
- ½ tsk salt
- 3 egg
- 1 bolli sykur
- 2 msk mjúkt smjör
- 1 tsk vanilludropar
- 2 tsk sítrónudropar
- 1/3 bolli sítrónusafi
- ½ bolli bragðdauf olía (ekki ólífuolía)
- hýði af 1 sítrónu
Glassúr
- 1 bolli flórsykur
- 2 msk nýmjólk
- ½ tsk sítrónudropar
Aðferð
Kakan
Hitið ofninn í 175° og smyrjið formkökuform vel.
Blandið hveiti, matarsóda, lyftidufti og salti saman í skál.
Hrærið saman í annari skál eggjum, sykri, smjöri, vanilludropum, sítrónudropum og sítrónusafa þar til hefur blandast vel.
Hrærið blöndunni saman við þurrefnin og hrærið þar til deigið verður mjúkt.
Bætið olíu og sítrónuhýði saman við og blandið vel.
Setjið deigið í smurt formkökuform og bakið í 45 mínútur eða þar til prjónn sem stungið er í kökuna kemur hreinn upp.
Glassúr
Hrærið öllu saman og hellið yfir kökuna.
Njótið svo þessarar dásemdar!