Svo virðist sem almennur skilningur sé á því að ekki sé margt hægt að gera til að auka á gáfurnar.
Það er eins og fólk trúi því að hvort sem þú ert gáfaður eða ekki þá hafi það verið ákveðið við fæðingu og það sé ekkert sem þú getir gert til að breyta því.
Hins vegar eru þetta allt saman ranghugmyndir. Þótt sumir haldi að þeir séu þeim skilyrðum háðir að geta ekki aukið á gáfur sínar þá eru ótal hlutir sem hægt er að gera til þess eins að auka þær.
Hér fyrir neðan er upptalning á því sem getur hjálpað flest öllum að auka gáfur sínur og virkja heilann betur. Öll þessi atriði hafa verið rannsökuð vísindalega og tilraunir gerðar og eru þessar ráðleggingar því studdar af vísindageiranum.
1. Að spila á hjóðfæri
Confucious sagði fyrir löngu síðan að tónlist dragi fram allskonar ánægju sem mannkynið getur ekki verið án. Tónlist örvar heilann og hefur þetta einnig verið staðfest með rannsóknum.
Tónlist hefur þau áhrif að vekja upp flóknar tilfinningar. Margir vísindamenn hafa sýnt fram á að það eitt að hlusta á tónlist eða spila á hljóðfæri geti aukið á afkastagetu minnis.
Að spila á hljóðfæri kennir þér einnig þolinmæði því það tekur tíma að læra. Einnig skerpir þetta einbeitinguna.
2. Að lesa mikið
Að lesa er afar gott fyrir gáfurnar en það þarf að lesa allskyns bækur, skáldverk, ævisögur og allskyns safnrit.
Lestur dregur úr stressi, gefur þér tækifæri á að upplifa allskyns tilfinningar og í leiðinni kennir þér eitt og annað um það sem þú ert að lesa.
3. Regluleg hugleiðsla
Ávinningur þess að hugleiða hjálpar þér að einbeita þér að þínu innra sjálfi. Hugleiðsla dregur einnig úr stressi og fjarlægir óþarfa áhyggjur.
Þegar hugurinn er í ró eftir hugleiðslu þá áttu mikið betra með að læra, hugsa og plana hluti.
4. Æfingar fyrir heilann
Það þarf að æfa heilann alveg eins og líkamann til að hann sé í góðu formi. Gott er að ögra heilanum með því að gera nýja hluti sem auka á getu hans til að halda þér skörpum.
Það er hægt að æfa heilann á marga vegu. Má t.d. nefna sudoku, pússluspil, borðspil og gátur. Allt þetta hjálpar heilanum að mynda ný tengsl.
5. Hreyfðu þig oft
Heilbrigður líkami stuðlar að heilbrigðum heila. Því eftir allt saman þá er heilinn eins og hver annar vöðvi í líkamanum. Að hreyfa sig reglulega gerir það að verkum að heili og líkami virka rétt. Einnig dregur hreyfing úr spennu og þú sefur betur.
Læknar eru sammála um að þeim mun betra sem blóðstreymið er til heila þeim mun betur virkar hann.
6. Lærðu nýtt tungumál
Að læra nýtt tungumál er ekki alltaf auðvelt verkefni en þú getur verið viss um að það virkjar heilann betur og eykur á gáfurnar.
Þeir sem tala fleiri en eitt tungumál eru oftar en ekki betri í að leysa vandamál og taka mikilvægar ákvarðanir.
7. Skrifaðu niður tilfinningar þínar
Það er mikill ávinningur í því að skrifa, en það eykur t.d. á gáfurnar. En skriftir hjálpa þér einnig að einbeita þér betur, ímyndunaraflið verður frjórra og sköpunargáfan eykst.
Rithöfundar eru yfirleitt taldir til gáfumanna. Það má skrifa eitt og annað. Þú getur skrifað dagbók, stuttar sögur eða ljóð sem dæmi.
8. Ferðast á ókunnugar slóðir
Að ferðast er ekki bara leið til að…
Lesa meira HÉR
