Nú er tími heita súkkulaðisins, það er engin spurning. Það er fátt betra á dimmum og köldum vetrardögum en að fá sér ilmandi bolla og helst þá með einhverjum sem manni þykir vænt um.
Og nú á aðventunni er heldur betur tilefni til að töfra fram þessa dásemt. Hér kemur samt nýtt tvist á heita súkkulaðið – prófaðu þetta heita salt-karamellu súkkulaði. Ljúffengt!
Það sem þú þarft (fyrir 8)
1 ½ bolli sykur
¼ tsk ferskur sítrónusafi
4 ½ bolli mjólk (við stofuhita)
224 gr mjólkursúkkulaði (fínt skorið)
56 gr dökkt súkkulaði ( fínt skorið)
Sjávarsalt
Þeyttan rjóma og karamellusósu til að skreyta
Aðferð
Hrærðu sykri og sítrónusafa saman í lítilli skál þar til sykurinn er orðin rakur.
Settu pott á hellu og kveiktu undir og leyfðu pottinum að hitna vel í nokkrar mínútur áður en þú byrjar. Þegar potturinn er orðinn heitur settu þá sykurinn út í hann og byrjaðu að hræra í um leið – og hrærðu stöðugt svo hann brenni ekki við. Fljótlega bráðnar sykurinn.
Helltu mjólkinni rólega út. Hrærðu stöðugt í á meðan. Ef að sykurinn hleypur í einhverja kekki haltu bara áfram að hræra, því þeir jafnast út um leið og mjólkin verður heit.
Þegar mjólkin er komin að suðu (mikilvægt að suðan komi ekki upp) tekurðu pottinn af hellunni. Nú seturðu rjómasúkkulaðið og dökka súkkulaðið út í og hrærir saman þar til súkkulaðið hefur bráðnað. Settu nú salt út í eftir smekk. Byrjaðu smátt og smakkaðu til.
Berðu kakóið fram í smekklegum bollum og skreyttu með þeyttum rjóma og karamellusósu. Til að fullkomna bollann er allt í lagi að strá bara örlitlu sjávarsalti yfir karamelluna.
Kakóið má gera fram í tímann og geyma í ísskáp í allt að viku. Hitaðu það bara upp í örbylgjunni eða á eldavélinni. Þessi uppskrift er fyrir 8.
Uppskrift fengin hjá sugarhero.com
Hér er hugmynd að karamellusósu
15 – 20 freyjukaramellur
1 dl rjómi
Brætt saman við vægan hita í litlum potti.