Ef þig langar að breyta til og ert orðin hundleið á hárinu þínu getur verið að þvertoppur sé málið fyrir þig.
Að láta klippa á sig topp gæti líka gert þig unglegri.
Það skiptir miklu máli hvernig toppurinn er klipptur
En það má ekki gleymast að þvertoppur krefst vinnu. Það þarf að blása hárið og laga toppinn á hverjum degi. Auk þess þarfnast toppurinn þess að hann sé snyrtur reglulega.
Þá skiptir miklu máli hvernig hann er klipptur svo hann þjóni hlutverki sínu og geri eitthvað fyrir þig. Gamaldags þvertoppur gerir nefnilega ekkert annað en að láta þig líta út fyrir að vera eldri en þú ert.
Eftirfarandi 5 atriði þarf að hafa í huga viljir þú láta klippa á þig þvertopp
1. Toppurinn ætti að vera þykkur. Þunnur druslulegur toppur lætur hárið líta út fyrir að vera þunnt og það mun ekki hjálpa til við að líta unglegri út.
2. Hann ætti alls ekki að vera of stuttur því þannig toppur lætur þig frekar líta út fyrir að vera eldri en yngri.
3. Ekki heldur alveg klipptur eftir beinni línu. Missíð hár og toppur sem er rúnnaður í endana er líflegri og meiri fylling virðist í hárinu.
4. Sídd toppsins ætti að nema við augabrún eða á milli augabrúna og efsta hluta augans.
5. Blása þarf toppinn svo sveipir í hárinu taki ekki yfir. Best er að nota breiðan hringbursta eða stóran flatan bursta.
Þessar skvísur eru alltaf með þvertopp og líta glæsilega út
Ragga Gísla, 62 ára
Goldie Hawn, 73 ára
Anna Wintour, 69 ára
Anna Wintour ritstjóri Vogue, 69 ára, hefur verið með sömu klippinguna til fjölda ára og er alltaf jafn flott.
Goldie Hawn, 73 ára, er ein af þessum skvísum sem alltaf er með topp.
Diane Keaton, 73 ára, er alltaf svo glæsileg og smart um hárið.
Ofurfyrirsætan og tískufyrirmyndin Kate Moss, 45 ára, lætur klippa á sig topp annað slagið til að breyta til.
Cameron Diaz, 46 ára, er gjarnan með svona síðan hliðartopp sem getur verið mjög klæðilegt.
Við sjáum leikkonuna Zooey Deschanel, 39 ára, ekki fyrir okkur öðruvísi en með þvertopp.
Leikkonan Sandra Bullock, 54 ára, er ein af þeim sem verður bara fallegri og unglegri með hverju árinu. Kannski þvertoppurinn hjálpi til við það, en Sandra lætur klippa á sig topp af og til.
Heidi Klum, 46 ára, breytir oft um greiðslur og fær sér þvertopp annað slagið.
… og svo gefur toppurinn fyllingu þegar hárið er tekið upp.